காற்றைத்தேடும் பலூன்கள்
முன்னதும் பின்னதுமான காலத்தால்
ஊதப்பட்ட பலூன்கள்
காற்றிலாடுகின்றன
உள்நுழைந்த தூசிகளுடன்
மூச்சுத் திணறிப்போய்.
காற்றைத் தேடித் தேடி அலைகின்றன.
அதீதத் தீண்டாமையானது
சாதியை விட அந்தத் தொற்று.
இயல்பை மறந்த நடத்தைப்பிறழ்வுகள்
மார்பிடித்துக் கொண்டு
மேல்மூச்சு கீழ்மூச்சு வாங்க ஓடுகின்றன
எப்படியாயினும் பிழைத்தாக.
வெளிறிய பயம்
முகத்திலிருந்து பிய்ய
அமானுஷ்ய ஓசைகளால் நிரம்பிய
வார்த்தைகள் உள்ளாழம் வரை சென்று
நைய்க்க.
புடைத்த நெற்றியில்
உயிர் ஒப்படைத்த கடவுளின்
சின்னம் வெளிர.
எங்கும் மரணஓலம்.
சுடுகாட்டிலும் வரிசை வரிசையாய்
உடல்கடுக்கக் கிடந்தன பிணங்கள்.
சடலங்கள் சடங்குகள் அற்றுப் போகின்றன
மூலத்தைத் தேடி...
----பாரதிசந்திரன் ----
நன்றி ஈகரை தமிழ்க் களஞ்சியம்
கருத்துகள் இல்லை:
கருத்துரையிடுக